Ekskavatorshyǵa avtokólik syılady

Eýrazııalyq Top (ERG) quramyna kiretin «Qazaqstan alıýmınııi» AQ fılıaly – Keregetas áktas kenishi jýyrda 50 jyldyq mereıtoıyn atap ótti. Kenishte Maıqaıyń, Baıanaýyl, Ekibastuzdyń jastary eńbek etýde. Baıanaýyldyń ózinen 200-deı adam kenishke jumysqa turypty. Olar taý-tas qoparyp uzaq jyldar boıy kenishte jumys istep júrgen kenshi aǵalarynyń jolyn jalǵastyrýda. Mereıtoılyq jıyn áktas óndiretin kenishtiń ósip-órkendeýine ómirlerin arnaǵan kásiporyn jumysshylarynyń, kenshilerdiń basyn qosyp, laıyqty merekelik kún arnap, syılyqtar, marapattar tartý etti. Mysaly, kenishtiń ekskavator mashınısi Qabıden Ahmetovke «Qazaqstan alıýmınııi» AQ prezıdenti Arman Esenjolov «Lada Prıora» avtokóliginiń kiltin tabystady. Qabıden aǵamyz da 30 jyl boıy kenishte eńbek etip keledi eken. Qandaı qıyndyqtar kezdesse de kenshi jumys ornyn aýystyrý týraly múlde oılanbapty. Farıda BYQAI, «Egemen Qazaqstan» PAVLODAR